Қашқадарё вилояти Қарши шаҳрида 20 июль куни эркак чақалоқни ўлдириб қўйди. Бу ҳақда Бош прокуратура матбуот хизмати “Дарё”га хабар берди.
Маълум қилинишича, Қарши шаҳар 2-сонли ИИБ навбатчилик қисмига 21 июль куни РШТЁИМ Қашқадарё филиали шифокори томонидан берилган хабарга кўра, шу куни соат 12:00 ларда фуқаролар Т.А. ва Н.С. томонидан 2023 йилда туғилган И.Н. жонсиз ҳолда шифохонага олиб келинган.
Кўрик вақтида шифокорга И.Н. коляскадан йиқилиб тушиб, тан жароҳати олгани айтилган. 20 июль куни 23 ёшли Н.С. тушлик вақтида кийимига ҳожатини чиқаргани учун чақалоқнинг кўкрак қафаси ва қорин соҳасига бир неча маротаба муштлаб, уни қасддан ўлдирган.
Н.С. ўзининг жиноий қилмишини яшириш мақсадида гўёки коляскадан йиқилиб тушгани ҳақидаги важ билан болани шифохонага олиб борган.
Ҳолат юзасидан Қарши шаҳар прокуратураси томонидан Н.С.га нисбатан Жиноят кодексининг 97-моддаси 2-қисми “в” банди (айбдорга аён бўлган ожиз аҳволдаги шахсни қасддан ўлдириш) билан жиноят иши қўзғатилиб, гумонланувчи сифатида қўлга олинган.
Изоҳ (0)