Франция ташқи ишлар вазири Стефан Сежурне бўлажак Олимпиада ўйинларида Исроил делегациясининг хавфсизлиги кафолатланишига ишонтирди.
“Мен ушбу Олимпия ўйинларига келадиган Исроил делегациясига Франция номидан "хуш келибсиз" демоқчиман. Бир неча соат олдин исроиллик ҳамкасбим билан телефон орқали гаплашдим. Унга биз Исроил делегацияси хавфсизлигини таъминлаймиз, дея кафолат бердим”, деди Сежурне Брюсселда Европа Иттифоқи ташқи ишлар кенгашининг йиғилишида.
Ўз навбатида, Франция ички ишлар вазири Жералд Дарманен France 2 телеканали орқали қилган чиқишида “Исроил делегацияси Франция полицияси томонидан кунига 24 соат тўлиқ ҳимоя қилинади”, деди.
У Исроил ва ҲАМАС ҳаракати ўртасидаги кескинлик шароитида бундай чора муҳимлигини таъкидлади.
“Биз ҳар бир жамоани, шу жумладан, ҳар бир шахсни ҳимоя қиламиз”, дея қўшимча қилди Дарманен.
Изоҳ (0)