АҚШда бюджетдаги муаммолар туфайли янги авлод қирувчи самолётлари ишлаб чиқариш дастури тўхтатилиши мумкин. Бу ҳақда Reuters нашри хабар берди.
Манбада айтилишича, АҚШ ҳарбий-ҳаво кучлари учун технологик инқилоб сифатида кўрилган янги авлод қирувчи самолётлари дастури бюджет босими, маблағ ажратишда давлат устувор йўналишлари ўзгариши туфайли амалга ошмаслиги мумкин. Дастурни сақлаб қолиш учун ҳукумат сарф-харажатлар назоратини қайта кўриб чиқиши керак.
Муҳокамаларга сабаб бўлган дастур Next Generation Air Dominance (NGAD) деб номланган. Ушбу дастур олтинчи авлод учар қурилмалари ҳисобланган F-22 Raptor қирувчи самолётларини ишлаб чиқариш ва уларни АҚШ мудофаа ҳукуматига топширишини кўзда тутади.
Дастур асосида, шунингдек, дунёдаги энг замонавий ҳаво радарлари, лазерли ҳужум қуроллари ва сенсорли ҳарбий технологиялар ишлаб чиқариш мақсад қилинган. Расмийлар янги ҳарбий технологияларга сунъий интеллектни интеграция қилишни режалаштирган.
Next Generation Air Dominance (NGAD) дастури 2029 йилда якунланиши белгиланган эди. Ушбу лойиҳанинг умумий молиявий пакети 28,5 миллиард долларни ташил этади. Эндиликда Пентагоннинг тежамкор ҳарбий бюджет юритиш ҳаракатлари сабаб дастур номаълум муддатга кечикади ёки тўхтатилади.
АҚШ мудофаа раҳбарияти расмийлари қирувчи самолётлар конструкциясини ўзгартиришни таклиф қилган. Бунда асосий мақсад арзон ва кўп сонли қирувчилар тайёрлашга қаратилади. Бу эса амалда олтинчи авлод самолётларини такомиллаштиришни кечиктириш деганидир.
Изоҳ (0)