2024/25-ўқув йилидан бошлаб Қашқадарё ва Сурхондарё вилоятларидаги 100 та мактабга бепул автобуслар қатнови йўлга қўйилади. Бу ҳақда Мактабгача ва мактаб таълими вазирлиги бошқарма бошлиғи Эркин Муродов “Дарё”га берган интвервюсида маълум қилди.
Эркин Муродовнинг айтишича, автобуслар қатнов тизими аутсорсинг асосида ишлайди.
Янги ўқув йилидан Қашқадарё ва Сурхондарё вилоятлари ҳудудларида 100 та мактабга бепул автобуслар қатновини йўлга қўйиш устида ишлаяпмиз. Бу тизим аутсорсинг асосида ишлайди. Автобуслар ўқувчиларни мактабга ўз вақтида боришларига ёрдам беради. Шу билан бирга, болаларни таълим жараёнига қамраб олиш имкониятини оширади. Ҳозирда Қашқадарё ва Сурхондарё вилоятларининг маҳаллий ҳокимиятлари ва Транспорт вазирлиги билан ҳамкорликда тизимни йўлга қўйиш ишларини олиб бормоқдамиз, деди мутахассис.
Аввалроқ “Ўзбекистон-2030” стратегиясида республиканинг олис ва чекка ҳудудларида жойлашган 715 та мактаб ўқувчилари учун автобусларнинг бепул қатнови йўлга қўйилиши белгилангани маълум қилинган.
Изоҳ (0)