АҚШ разведка идоралари ҳозирча собиқ президент Дональд Трампга ўқ узган Томас Метю Крукснинг хорижий давлатлар билан алоқалари бўлганига оид бирон бир аломатни аниқламаган, деб ёзади The New York Times (NYT).
“Унинг чет элда шериклари ёки алоқалари борлиги ҳақида ҳеч қандай далил топилмади”, деб ёзади нашр ФҚБдаги суҳбатдошларига таяниб.
Шу билан бирга, нашрнинг қайд этишича, Крукснинг смартфонини ўрганиш асосида экспертлар у Трампни ҳам, АҚШнинг амалдаги президенти Жо Байденни ҳам кузатгани ҳақидаги хулосага келган.
“ФҚБ расмийлари Конгрессдаги тингловда Трампни ўлдирмоқчи бўлган шахс Трамп билан бирга Байден ва бошқа жамоат арбобларини кузатиб юрганини айтди”, деб ёзади NYT.
Изоҳ (0)