Голливуд актёри Том Ҳэнкс жорий йилнинг 9 июль, сешанба куни 68 ёшга тўлди. Шу муносабат билан унинг рафиқаси Рита Уилсон актёрнинг хонадонида тушган оилавий фотосурати билан бўлишди ва гўзал табрик қолдирди.
Суратда Ҳэнкс уйининг мусиқага бағишланган севимли бурчагида акс этган. Хонанинг ички қисми кулранг ва оч жигарранг тусда табиий ёғочдан ишланган. Жавонлар юқоридан пастга қадар турли китоблар, дисклар ва винил пластиналар билан тўлдирилган.
“Уйимиздаги китоб муқоваларини кўздан кечирсангиз, биз тарих, винил пластиналар ва ирландиялик ёзувчи Мейв Бинчининг романларини қанчалик яхши кўриб мутолаа қилишимиз аён бўлади”, деб ёзади Рита ва турмуш ўртоғини туғилган куни билан табриклади.
Унинг илиқ тилакларига ҳамкасблари ҳам қўшилди ва актрисалардан Жулиа Робертс, Женнифер Энистон каби юлдузлар ҳам гўзал дил изҳорларини ёзиб қолдирди.
Суратда тасвирланган Том Ҳэнкснинг уйи Лос-Анжелесда жойлашган бўлиб, жуфтлик хонадонни 2010 йилда 26 миллион долларга сотиб олган. 1996 йилда қурилган ва умумий майдони 1300 квадрат метрдан ортиқ бўлган уй нуфузли Pacific Palisades ҳудудида жойлашган.
Изоҳ (0)