МДҲ Парламентлараро ассамблеяси халқаро кузатувчилари жорий йилнинг октябрь ойида Ўзбекистон Олий Мажлиси Қонунчилик палатаси ва маҳаллий кенгашларга бўлиб ўтадиган сайловларни кузатиб боришда иштирок этишга таклиф қилинди. Бу ҳақда Олий Мажлис Сенати ахборот хизмати хабар бермоқда.
Олий Мажлис Сенати раиси бошчилигидаги Ўзбекистон парламенти делегацияси Санкт-Петербург шаҳрида ўтказилган БРИКСнинг Х парламент форумининг “Гуманитар ва маданий соҳаларда парламентлараро ҳамкорлик” мавзусидаги ялпи мажлисида иштирок этган.
Форум доирасида МДҲ Парламентлараро ассамблеяси (ПА) кенгашининг йиғилиши ўтказилган.
Кенгаш йиғилишида Ҳамдўстлик мамлакатларидаги сайлов жараёнларини мониторинг қилишга катта эътибор қаратилди. Хусусан, Россия ва Озарбайжондаги президентлик сайловлари ҳамда Беларусдаги парламент сайловини мониторингида Парламентлараро ассамблея халқаро кузатувчилари фаолияти кўриб чиқилган.
Йиғилиш иштирокчилари МДҲ ПАнинг сиёсий масалалар ва халқаро ҳамкорлик ҳамда мудофаа ва хавфсизлик масалалари бўйича доимий комиссияларининг фаолияти тўғрисидаги маълумотларни эшиттирилган.
Парламент аъзолари миллий делегацияларнинг барча мулоҳазаларини инобатга олган ҳолда МДҲ Парламент ассамблеясида кузатувчи мақоми тўғрисидаги низом лойиҳаси маъқулланган.
Маросим давомида Танзила Норбоева Қозоғистон, Беларусь, Ҳиндистон, Озарбайжон ва Россия, БАА парламенти мулозимлари билан учрашувлар ўтказган.
Маълумот учун, Парламентлараро иттифоқнинг 150-юбилей ассамблеясини 2025 йилда Ўзбекистонда ўтказилиш режалаштирилишган.
Изоҳ (0)