БМТ 11 июль куни Россияга мурожаат йўллаб, аскарларини Запорожье АЭСдан олиб чиқишни ва ядровий платформа назоратини Киевга топширишни талаб қилди. Бу ҳақда Reuters нашри хабар берди.
БМТ Бош ассамблеяси пайшанба куни Россиядан Запорожье атом электр станциясидан “ўз ҳарбийлари ва бошқа рухсат этилмаган ходимларини зудлик билан олиб чиқиб кетиш”ни талаб қилиб резолюция эълон қилган. АЭС назорати тўлиқ Киевга топширилиши қатъий уқтирилган.
193 аъзодан иборат Бош ассамблеяда 99 мамлакат БМТ қарорини ёқлаб овоз берган. 9 нафари қарши, 60 нафар аъзо бетараф позицияда қолган.
Европадаги энг йирик ҳисобланган Запорожье АЭС 2022 йилнинг февралида Россия назоратига ўтган. АЭС ҳозирда ёпиқ, бироқ ундаги ядровий массани паст ҳароратда сақлаш ва парчаланишнинг олдини олиш учун ташқи қувват манбаси талаб этилмоқда.
БМТда овоз беришдан олдин нутқ сўзлаган Украинанинг БМТдаги элчиси Сергей Кислица мамлакатларни резолюцияни ёқлаб овоз беришга чақирган. Шу йўл билан улкан ҳалокатнинг олди олиниши билдирилган.
“Биз бу борада келажак авлодлар олдида қарздормиз. Ядровий офатлар даҳшатлари такрорланмаслигини таъминлашимиз керак”, деган Украина расмийси.
Россия расмийлари АЭСда хавфсизлик билан боғлиқ вазият жойида эканини билдирган. Иншоотни Украинага қайтариш масаласи эса асло кўриб чиқилмаслиги хабар қилинган.
Изоҳ (0)