Ўзбекистонда солиқларнинг ихтиёрий тўланиш даражаси 96 фоизни ташкил этди, деб хабар бермоқда Солиқ қўмитаси ахборот хизмати.
Маълум қилинишича, 2024 йил II чоракда республика миқёсида юридик ва жисмоний шахслар томонидан солиқ мажбуриятларининг ихтиёрий бажарилиши 96 фоизни ташкил этди. Бу борада энг яхши кўрсаткич йирик солиқ тўловчилар бўйича ҳудудлараро солиқ инспекциясида қайд этилди – 98 фоиз. Кўрсаткич:
Қорақалпоғистон Республикаси, Андижон, Бухоро, Жиззах, Наманган, Сурхондарё ва Хоразм вилоятлари ҳамда Тошкент шаҳрида – 96 фоиз;
Қашқадарё, Навоий, Самарқанд, Сирдарё, Тошкент ва Фарғона
вилоятларида – 95 фоиз.
Солиқ турлари кесимида:
- ер қаъридан фойдаланганлик учун солиқ – 99 фоиз;
- акциз солиғи – 98 фоиз;
- ҚҚС – 97 фоиз;
- фойда солиғи – 96 фоиз;
- АОС – 96 фоиз;
- ЖШОДС – 96 фоиз;
- мол-мулк солиғи – 95 фоиз;
- ер солиғи – 95 фоиз;
- сув ресурсларидан фойдаланганлик учун солиқ – 92 фоиз.
Ўзбекистонда йирик солиқ тўловчиларни аниқлаш мезонлари ўзгартирилган эди. Аввалроқ Ўзбекистонда 122 минг 862 та ташкилот 2024 йилнинг январь—май ойларида 10,6 трлн сўм миқдорда солиқ имтиёзларидан фойдалангани тўғрисида хабар берилганди. Шу билан бирга 2 561 та корхона молиявий хизматлар бўйича 7,9 триллион сўмдан ортиқ ҚҚСсиз операциялар амалга оширган.
Изоҳ (0)