4-5 соатлик мураккаб гримлар: эсда қоларли образлар қандай яратилган?

Баъзида актёрлар роллари ишонарли чиқиши учун соатлаб вақтларини гримёр курсисида ўтказишига тўғри келади.

Робин Уильямс — Доутфайр хоним

“Шубҳали хоним” фильмида асосий ролни тенгсиз Робин Уильямс ўйнаган, у сюжетга кўра, болаларига яқинроқ бўлиш учун энага кампирга айланиши керак. Чунки у хотинидан ажрашгандан сўнг, болаларидан узоқлашиб кетади.

Экранда унинг қаҳрамони қувноқ энагага айланади, лекин бунинг учун актёр грим курсисида 4, ҳатто 5 соат вақт ўтказган. Бунинг учун у эрталаб соат 5 да суратга олиш майдонига келиши керак эди.

Майкл Китон — “Битлжус”

Фильм “Битлжус” деб номланиши ва асосий антагонист шарпа овловчининг ўзи бўлишига қарамай, бу персонажнинг экран вақти бор-йўғи 14 дақиқани ташкил этади.

Айтганча, Битлжус ролини ижро этган Майкл Китоннинг ўзи бир неча бор ушбу фильмни карьерасидаги энг севимли фильми деб атаган. Аслида, бу ажабланарли эмас, чунки режиссёр Тим Бёртон унга хоҳлаганича импровизация қилишга рухсат беради, бунинг натижасида Майкл ҳаммани ҳайратда қолдиради. 

Жек Николсон — “Бетмен”

Тим Бёртоннинг “Бетмен” фильмида Joker лақабли ёвуз бош қаҳрамон ролини тенгсиз Жек Николсон ижро этган.

Жек Николсон дастлаб Жокер ролини ўйнашни истамаган, чунки у ғалати костюмлар кийган эркаклар ҳақидаги фильмда рол ўйнашни хоҳламаган, шунингдек, кунига бир неча соат грим курсисида ўтказиш унга ёқмаган. Аммо катта гонорар, шунингдек, фойданинг бир фоизи актёрни фикрини ўзгартиришга мажбур қилади.

Жим Керри — “Гринч — Рождество ўғриси”

“Гринч — Рождество ўғриси” фильмидаги Гринчни тенгсиз Жим Керри ўйнаган. Фильм “Энг яхши грим” номинациясида ўзининг ягона “Оскар”ини қўлга киритади.

Жим Керри — “Ниқоб”

“Ниқоб” фильмини суратга олиш вақтида Жим Керри ҳали машҳур актёр эмас эди, шунинг учун унинг гонорари атиги 450 минг доллар эди. Табиийки, бу образни экранда жонлантириш учун шунчаки резина ниқоб кийиш етарли эмасди.

Жим Керри ҳар куни грим курсисида тахминан 2,5-3 соат вақт ўтказади. Унинг ниқоби 5 қисмдан иборат мураккаб тузилмадан иборат эди.

Питер Мейҳю — “Юлдузлар жанги”

Питер Мейҳюнинг карьераси асосан “Юлдузлар жанги IV: Янги умид” (1977) фильмидан бошланади ва “Юлдузлар жанги VIII: сўнгги жейди” (2017) билан якунланади. Фильмда у Чубак лақабли Хан Соло ролини ўйнаган.

Ҳаммаси бўлиб Питер сериалдаги 6 та тўлиқ метражли фильмларда рол ўйнаган. 2019 йилда вафот этмаганида, сўнгги тўлиқ метражли “Юлдузлар жанги” фильмида ўйнаган бўларди.

Уорвик Дэвис — “Лепрекон”

Уорвик Дэвис худди шу номдаги фильмдаги Лепрекон ролига жуда мос эди, лекин у Лукас фильмлари билан шартнома тузгани сабабли бошқа студиядаги фильмларда рол ўйнашга ҳаққи йўқ эди. Кейин режиссёр Марк Жонс Жорж Лукас билан боғлангандан сўнг, Дэвисга Лукас рози бўлган “Лапрекон” фильмида рол ўйнашга рухсат беради.

Лепреконнинг грими ҳар куни 3 соатдан кўпроқ вақтни олади. Бундан ташқари, уни кетказиш учун камида 40 дақиқа керак бўлади. Бу вақт ичида Уорвик Дэвис гримёр билан дўстлашиб олади, ҳатто Марк Жонсдан унга фильмда рол беришни сўрайди. Режиссёр рози бўлади ва гримёр кафе саҳнасида массовкада рол ўйнайди.

Дэнни ДеВито — “Бетменнинг қайтиши”

“Бетменнинг қайтиши” фильмидаги Дани ДеВитонинг экрандаги образи учун гримёрлар жуда кўп турли хил юз ёстиқчаларидан, чириган тишларга ўхшаш қопламалардан ва бошқа нарсалардан фойдаланганлар. Ўша ёвуз Пингвинни яратиш учун актёр кунига бир неча соат гримёр курсисида ўтириши керак эди.

Тасвирга олиш гуруҳи аъзоларининг айтишича, актёр баъзида ролга шунчалик киришиб кетганки, одамлар ундан ростдан ҳам қўрққан.