Туркиялик таниқли актёр, ўзбек томошабинларига “Муҳташам юз йил” сериалидаги шаҳзода Жаҳонгир образи билан яхши таниш Толга Сариташ беш йиллик муҳаббати билан турмуш қурди. Бу ҳақда турк ОАВ хабар берди.
Толга Сариташ беш йиллик муносабатлардан сўнг Зейнеп Майрук билан ҳаёт йўлини боғлади. 33 ёшли актёр ва 35 ёшли Зейнепнинг никоҳ тўйи Чешме ярим оролида ўтказилди. Актёр севгилисига 14 февраль Севишганлар кунида турмуш қуришни таклиф қилган ҳамда дўстлари даврасида нишонлашган.
Никоҳ маросимига турк киноси юлдузлари Энгин Акюрек, Сарп Аккая, Синем Аккая, Ўзгур Чевик, Хадиче Картўғлу, Алина Боз, Умут Эвирген, Мелис Биркан ва бошқа кўплаб машҳур инсонлар ташриф буюрди.
Зейнеп Майрук 1989 йили Измирда туғилган. Мода бўйича хорижда таҳсил олган. Дизайнерликка бўлган қизиқиши боис, турли хил дарсларни олган. 2013 йилдан бошлаб ўз брендига асос солган.11 йилдан бери Зейнеп Майрук бренди остида фаолият юритади.
Толга Сарıташ Туркиянинг энг машҳур актёрларидан биридир. У Истанбулда туғилган. Кино оламида карьерасини 2009 йили “Бахти қора” фильмидан бошлаган ва “Муҳташам юз йил” фильмида шаҳзода Жаҳонгир ролини ўйнаган.
Бундан ташқари, “Қуёш қизлари” фильмида Али Мертўғлу образини гавдалантириб, томошабинлар эътиборига сазовор бўлади. 2017— 2019 йиллар орасида “Сўз” фильмидаги ижроси орқали 46-Халқаро Эмми мукофотини “Энг яхши актёр” номинацияда қўлга киритади.
Изоҳ (0)