Украина президенти Владимир Зеленский Россия раҳбари Владимир Путин билан музокаралар ўтказиш эҳтимоли ҳақида фикр билдирди. Бу ҳақда у The Philadelphia Inquirer нашрига берган интервьюсида маълум қилди.
Зеленскийнинг таъкидлашича, бугунги кунда музокараларнинг фақат битта модели мавжуд — воситачилар билан уч томонлама битим. Бу каби битим дон йўлаги бўйича келишувда жорий қилинганди.
Украина ечимга олиб келувчи эҳтимолий моделни топиши мумкин, бу модел биринчи марта дон йўлаги мисолида қўлланилган, ўшанда Украина Россия билан эмас, балки БМТ ва Туркия билан келишиб олган, — деди сиёсатчи.
У халқаро ҳамкорлар Украина билан музокаралар олиб боргани, кейин эса Россия билан тегишли келишувни имзолаш масъулиятини ўз зиммаларига олганини айтди.
У (модел) шундай ишлаган эди: БМТ ва Туркия ўртасида иккита кўзгу келишуви..., — деди Украина президенти.
Сиёсатчи ҳудудий яхлитлик, энергетика ва денгиз орқали юк ташиш масалалари муҳокама қилинаётганда, турли минтақадаги давлатлар муайян инқирозга ечим тайёрлаётганда тегишли моделдан фойдаланиши мумкинлигини айтди.
Кейин бу ҳужжат билан, агар у Украинага тўғри келадиган бўлса, Россия вакиллари ҳам шуғулланиши керак. Ҳозирча бизда фақат шундай модел мавжуд, — дея хулоса қилди Зеленский.
Изоҳ (0)