UFC Saudi Arabia. Роберт Уиттакер ва Икрам Алискеров вазн ўлчаш маросимида иштирок этди

Саудия Арабистонининг Ар-Риёд шаҳрида 22 июнь санасида UFC Saudi Arabia турнири бўлиб ўтади.

Турнирнинг асосий жанги ўрта вазн тоифаси вакиллари Роберт Уиттакер ва Икрам Алискеров ўртасида кечади. 

Асосий кард жанглари Тошкент вақти билан 21:00 да старт олади.

Мусобақа олдидан жангчилар вазн ўлчаш маросимида иштирок этди: 

• Роберт Уиттакер (84,4 кг) – Икрам Алискеров (83,5 кг);
• Сергей Павлович (117,9 кг) – Александр Волков (117 кг);
• Келвин Гастелум (83,7 кг) – Даниэль Родригес (83,5 кг);
• Шара Буллет (84,1 кг) – Антонио Троколи (84,1 кг);
• Жонни Уокер (93,4 кг) – Волкан Оздемир (93,4 кг).

Эслатиб ўтамиз, Роберт Уиттакер сўнгги бор февраль ойида октагонга кўтарилган эди. UFC 298 турнирида Роберт Пауло Коста устидан ғалаба қозонган эди.

Алискеров эса 2023 йилнинг октябрида Варлей Алвесни 1-раундда техник нокаут эвазига мағлуб этганди.