Андижоннинг Марҳамат ҳамда Хонобод туманларида электр энергиясидан ноқонуний фойдаланган шахслар ушланди. Бу ҳақда Бош прокуратура матбуот хизмати хабар берди.
Маълум қилинишича, Марҳамат туманидаги “С.Қ.I” МЧЖ мансабдор шахсларига қарашли бўлган “Т.Қ.И.С”да ўрнатилган электр ҳисоблагич кўрсаткичларини ўзгартириш мақсадида унга ташқи таъсир ўтказиб, электр энергиясидан тижорат мақсадида ноқонуний фойдаланиб келганлиги оқибатида 569 млн 45 минг 961 сўм зарар келтирган.
Шунингдек, Хонобод туманидаги “Х.А.Ф” МЧЖ мансабдор шахслари ва бошқаларга қарашли “С.В.К.М”га ўрнатилган электр ҳисоблагични давлат муҳрини бузиб, унга ташқи таъсир кўрсатиб, тижорат мақсадида ноқонуний даромад орттиришни кўзлашиб, электр энергиясидан ноқонуний равишда фойдаланиб келганлиги оқибатида 406 млн 567 минг 825 сўм моддий зарар етказган.
Мазкур ҳолатлар юзасидан “С.Қ.И”, “Х.А.Ф” МЧЖлар мансабдор шахслари ва бошқаларга нисбатан ЖКнинг 169-моддаси (ўғрилик) 4-қисми “а” банди билан жиноят иши қўзғатилиб, Ш.Қ ҳамда А.М.ларга нисбатан қамоққа олиш тарзидаги эҳтиёт чораси қўлланилган.
Изоҳ (0)