Максим Шацких Суперкубок баҳсидан сўнг: Декабрда бошқача “Пахтакор”ни кўрасиз, биз бошқача ўйнаймиз.

Футбол бўйича Ўзбекистон Суперкубогида “Насаф” “Пахтакор”ни мағлуб этди.

Учрашувдан сўнг “шерлар” устози Максим Шацких матбуот анжуманида иштирок этди.

Ҳаммага ўйин ёқди деб ўйлайман. Финал ўз номи билан финал. Йигитларнинг ўйинидан қониқдим, улар борини беришди. Дарвозамизга урилган голни ўзимизга олиб келдик. Футболчиларимнинг ҳаракатлари маъқул келди.

Ўйин пайти ютиб кета олишимиз ҳам мумкин эди. Захирада ўйинга туширишга ҳеч ким йўқ эди. Захирада, шунчаки 18-19 ёшли болалар ўтирибди. Баъзи футболчилар “Бунёдкор” стадионини биринчи марта кўрди.

Пенальтига келадиган бўлсак, ким тепишини йигитларнинг ўзлари ҳал қилди. 

“Пахтакор”дан кетишни хоҳлайдиганларни ушлаб турмаймиз. Эски “Пахтакор”ни унутинг, жорий йилдан бошлаб, жамоа ўзгаради.

Мутасаддилар жамоадан рози. Улар ўйин учун миннатдорчилик билдирди.

Максим Шацких, “Пахтакор” бош мураббийи