НАТО бош котиби Йенс Столтенберг Европа бирлашган армиясини яратиш ғоясига қарши чиқди. Бу ҳақда у The Economist нашрига берган интервьюсида айтиб ўтди.
Блок раҳбари Европанинг мудофаа харажатларини ошириш борасидаги саъй-ҳаракатларини олқишлашини таъкидлади. Бироқ у Европа Иттифоқи (ЕИ) Шимолий Атлантика альянсининг ўрнини боса олмаслигини маълум қилди.
“НАТО асосий тузилма бўлиши керак, аммо биз Европа Иттифоқининг саъй-ҳаракатларини, агар улар НАТО билан рақобат қилмаса ёки уни такрорламас экан, олқишлаймиз”, — деди бош котиб.
Аввалроқ Британия мудофаа вазири Грант Шаппс НАТОга аъзо бўлмаган, аммо унинг мудофаа қобилиятидан фойдаланаётган нейтрал давлатлар ҳарбий иттифоққа қўшилиши кераклигини айтиб ўтганди.
Изоҳ (0)