ЎзЖОКУнинг 6 йиллиги муносабати билан тантанали тадбир ташкил этилди

Бугун Ўзбекистон журналистика ва оммавий коммуникациялар университетининг 6 йиллиги муносабати билан тантанали тадбир ташкил этилди. Бу ҳақда Президент матбуот котиби Шерзод Асадов маълум қилди. 

Президент Шавкат Мирзиёев ташаббуслари билан ташкил этилган, Марказий Осиёда ўхшаши бўлмаган университет бугун ҳар томонлама етук ва профессионал журналистик кадрларни тайёрлашга ўзининг муҳим ҳиссасини қўшмоқда, бу борада салмоқли муваффақиятларга эришмоқда.

Университет жамоасини, профессор-ўқитувчилари ва талабаларини бу сана билан табриклаган ҳолда таълим сифатини янада ошириш, соҳадаги илғор ютуқларни ўзлаштириб, ўқув жараёни ва амалиётга татбиқ этишда, бир сўз билан айтганда, Янги Ўзбекистоннинг янги журналистикасини барпо этишда янада юксак марраларни эгаллашни тилаймиз. 

Шу билан бирга, жорий ўқув йилида университетни битираётган ёшларимиз соҳада ўз ўрнини топиб, профессионал мутахассис сифатида давлатимиз ва жамиятимиз ривожида камарбаста бўлишларига ишонамиз, – деб ёзади Президент матбуот котиби.