Қозоғистон президенти Қосим-Жомарт Тўқаев Шанхайга аъзо мамлакатлар ташқи ишлар вазирлари билан учрашувда Афғонистонда гуманитар инқирознинг олдини олишга чақирди. Бу ҳақда “Akorda.kz” хабар берди.
Тўқаев, шунингдек, Афғонистонда барқарорликни ўрнатиш учун ушбу мамлакатдаги вазиятга жиддий эътибор қаратиш зарурлигини таъкидлаган.
Унинг қўшимча қилишича, Афғонистондаги вазият диққат билан қарашни талаб қилади. Гуманитар инқирознинг олдини олиш ва узоқ муддатли барқарорлик учун шарт-шароит яратиш бўйича саъй-ҳаракатларни давом эттириш жуда муҳимдир.
Қозоғистон раҳбари Олмаота шаҳрида БМТнинг Марказий Осиё ва Афғонистон учун барқарор ривожланиш мақсадлари бўйича минтақавий марказини ташкил этиш ташаббусини қўллаб-қувватлаган.
Аввалроқ Ўзбекистон Афғонистонда сел-сув тошқинларида зарар кўрган аҳолига инсонпарварлик ёрдами жўнатган эди. Ёрдам, хусусан, 48 тонна ун, 22 тонна гуруч, 100 минг дона консерва ва 44 тонна макарон маҳсулотлари, 25 минг литр ўсимлик ёғи, 100 минг дона тез тайёрланадиган лағмон, шунингдек, 10 кишилик 100 та махсус қурилмали чодир ва 1 000 литрли 96 та сув сақлаш идишларини ўз ичига олган.
Изоҳ (0)