Халқаро жиноий суд статутини ратификация қилган барча давлатлар унинг қарорларини бажаришга мажбурдирлар. Бу ҳақда Европа Иттифоқи бош дипломати Жосеп Боррел маълум қилди.
“Мен Халқаро жиноий суд прокурорининг Яҳё Синвар, Муҳаммад Деиф, Исмоил Хония, Бенямин Нетаньяху ва Йоав Галлантни ҳибсга олиш учун ордер беришни сўраш ҳақидаги қарорини эътиборга оламан”, — деб ёзди у Х ижтимоий тармоғида.
Дипломатнинг таъкидлашича, Халқаро жиноий суднинг ваколати халқаро ҳуқуқ бўйича энг оғир жиноятларни таъқиб қилишдир. “ХЖС низомини ратификация қилган барча давлатлар суд қарорларини бажаришга мажбурдирлар”, — дея қўшимча қилди Боррелл.
Халқаро жиноий суд Нетаньяхуни ҳибсга олиш учун ордер бериши мумкин
Эслатиб ўтамиз, 20 май куни прокурор Карим Хон Исроил бош вазири ва Мудофаа вазирлиги раҳбарини ҳибсга олишга ордер беришни сўраган эди. Шунингдек, ҲАМАСнинг уч нафар етакчиси ҳам инсониятга қарши жиноятларда айбланмоқда.
Бу қарор Исроил ва Америка Қўшма Штатларида қораланди. Вакиллар палатаси спикери Майк Жонсон ХЖСга қарши санкциялар киритишга тайёр эканликларини айтди ва президент Жо Байден ҳар доим Исроил билан бирга бўлишга ваъда берди.
Изоҳ (0)