Испаниянинг шимоли-шарқида жойлашган Каталония минтақасидаги сепаратист партиялар 12 май бўлиб ўтган минтақавий сайловларда кўпчилик овозни йўқотди Бу ҳақда Anadolu нашри хабар берди.
Манбада айтилишича, социалистик партия сайловларда энг катта овозни қўлга киритган. Социалистик партия ғалаба қозонганига қарамай, бошқарувни тўлиқ қўлга олиш учун етарли кучга эга эмас.
“Бу сайловлар барча Каталония аҳолиси учун янги даврни очади — улар қандай фикрда бўлишидан, қайси тилда гаплашишидан ва қаердан бўлишидан қатъи назар”, — деган социалист номзод ва Испаниянинг собиқ соғлиқни сақлаш вазири Салвадор Илла ғалаба нутқида.
42 ўринга эга бўлган Социалистик партия ҳали ҳам минтақавий парламентда ҳукуматни шакллантириш учун зарур бўлган ўринларга эга эмас. Бундай мақомда бўлиш учун 68 та ўринга эгалик қилиш талаб этилади.
Бошқарувга олиб борадиган энг аниқ йўл социалистлар билан ERC ва Сумар партиялари иштирокида коалиция тузишдан иборат бўлиши мумкин. Бу партиялар 2021 йилдан бери шунга ҳаракат қилмоқда.
Сайловлардаги кескин бурилиш Каталониянинг Испания ҳукуматига интеграллашувини кучайтириши мумкин. Бу эса сепаратист партияларга қарши туриш учун асос бўлиши айтилган.
Изоҳ (0)