Ғазо секторида сўнгги 24 соатда юз берган жангларда камида 50 нафар Исроил аскари яраланган. Бу ҳақда Исроил мудофаа кучлари тарқатган хабарга асосланиб, Al Jazeera нашри хабар берди.
Манбада айтилишича, ҲАМАС кучлари ва Исроил армияси ўртасида қуруқликдаги жанглар нисбатан фаоллашган. Рафаҳ шаҳрининг шимолий қисмида очиқ жанглар бошланиб кетган.
Ғазо шимолидаги Ал-Жунайна ва ас-Салам аҳоли пунктларига Исроил танклари кирган. Мудофаа кучлари бу ҳудудларда нисбатан муваффақиятга эришгани хабар қилинган.
Фаластин қуролли гуруҳлари Исроилга қарши қисқа масофали ракеталардан фойдаланаётгани айтилган. Танкларга ҳужум қилиш учун ҲАМАС аскарлари томонидан танкка қарши ракеталардан фойдаланилгани далиллари топилган.
Сўнгги 24 соат ичида амалга оширилган амалиётларда жароҳатланган 50 нафар аскар ҳарбий шифохоналарга олиб кетилган. Исроил расмийлари ҳалок бўлган аскарлари ҳақидаги янгиланган статистикани эълон қилмаган.
Таҳлилчилар Исроил ҳужумларни қайтадан фаоллаштиришни мақсад қилганини маълум қилган. Агар бу амалга оширилса, Ғазо шимоли ва марказига қўшимча ҳарбий қисмлар киритилиши мумкинлиги билдирилган.
Изоҳ (0)