“ПСЖ” Килиан Мбаппе жамоадан кетаётганидан мамнун.
L’Equipe нашрининг хабарига кўра, парижликлар энди ёш, интизомли ва худбин бўлмаган жамоа қуришда давом этиши мумкинлигидан хурсанд.
Шунингдек, Мбаппенинг клуб президенти Носир ал-Ҳелайфи билан орасидаги муносабат совуқлашгани ойдинлашди.
Футболчи ўзининг хайрлашув видеосида мураббийлар, спорт директорларини тилга олган, лекин “ПСЖ” президентига миннатдорчилик билдирмаган. Ал-Ҳелайфи эса Килианни ношукур дея ҳисобламоқда.
Аввалроқ Мбаппе “Реал”га ўтиши хабар қилинган эди.
Килиан 2017 йилдан буён “ПСЖ” шарафини ҳимоя қилиб келмоқда. 7 мавсум давомида футболчи 255 та гол билан клуб тарихида энг яхши тўпурарга айланди.
Жамоа билан биргаликда 6 марта Франция чемпионлигини, 3 марта Франция Кубогини, 3 марта Франция Суперкубогини, 2 марта Лига Кубогини қўлга киритди.
Изоҳ (0)