Афғонистонда 9 май куни ИШИД ташкилотига аъзоликда айбланган икки нафар покистонлик фуқаро ҳибсга олинган. Бу ҳақда Tasnim нашри хабар берди.
Хабарда айтилишича, дастлаб “Толибон” Мудофаа вазирлиги ИШИД Афғонистонга Покистондан кириб келаётгани ҳақида баёнот эълон қилган. Кейинроқ эса “Толибон”га яқин “Ал-Мурсад” манбаси Афғонистонда ҳибсга олинган 2 нафар ИШИД аъзоси покистонлик эканини маълум қилган ва шунга алоқадор видеони тарқатган.
Видеода ҳибсга олинган икки шахс ИШИД билан алоқасини ва Покистондан келганини тасдиқлаган. Расмийлар маҳбуслар ҳақида батафсил маълумот эълон қилмаган.
Хабарда айтилишича, ҳибсга олинганлардан бири ИШИД гуруҳининг Хуросон тармоғини молиявий ёрдам ва ишчи кучи билан таъминлаб келган. Иккинчи шахс эса террорчилик ҳаракатлари тарғиботи билан шуғулланган.
“Ал-Мурсад” нашри ҳибсга олинган Энайтуллоҳ ИШИД Хуросон бўлимининг молиявий бошқарувчиси Абдул Малик билан яқин алоқада бўлганини билдирган. Гуруҳ ҳукуматга яқин қатор амалдорлар билан ишлагани ва ижтимоий тармоқлар орқали Европа фуқароларини ташкилот сафига жалб қилгани хабар берилган.
Изоҳ (0)