Давлат Экология қўмитаси тасарруфидаги Ҳисор давлат қўриқхонасига ўрнатилган фотоқопқонга қизил суғур муҳрланди.
Қизил суғур Табиатни муҳофаза қилиш халқаро иттифоқининг (ТМХИ) Қизил рўйхатига энг камёб тур сифатига киритилган. Бу жонивор одатда ўт-ўланлар, кўпинча бошоқли ўсимликлар, баъзан чувалчанг, моллюска, ҳашаротлар билан озиқланади. Қишда уйқуга кириб, баҳорда уясидан чиқади.
Денгиз сатҳидан 1600 дан 3500-4000 метргача баландликда бўлган ҳар хил турдаги релефли тоғ ёнбағирларида ҳамда тошқояларнинг этакларида яшайди. Тян-Шан, Помир, Ҳиндукуш, Кашмир тоғларининг алп экотизимларида, Ўзбекистоннинг эса иккита ҳудудида, яъни Угом-Пском, Чотқол ва Ҳисор тоғ тизмаларида учраши қайд қилинган.
Ҳисор давлат қўриқхонасининг Ғилон, Мираки, Танхоздарё, Қизилсув бўлимларида учрайди. Сўнгги кузатувларга кўра, қўриқхона ҳудудида 4240- 4320 бошни ташкил қилиши тахмин қилинади.
Изоҳ (0)