Германия ва Польшадаги йирик авиакомпаниялар Исроил пойтахтига рейсларни бекор қилди. Бу ҳақда CNN нашри хабар берди.
Манбага кўра, Яқин Шарқда янги ҳаво ҳужумлари содир бўлиши эҳтимоли компанияларни шу қарорни чиқаришга мажбур қилган. Расмийлар қисқа фурсатда яна рейслар тикланишини маълум қилган.
Олдинроқ Германиянинг Lufthansa авиакомпанияси Тель-Авивга рейсларини бекор қилган эди. Шу билан бирга, компания бутун Яқин Шарқ ҳудудида парвозларини тўхтатган ёки чеклаган.
Шунингдек, Польшанинг LOT авиакомпанияси 19 апрель куни Тель-Авив ва Байрутга рейсларни тўхтатган. Парвозларни қайта тиклаш масаласи якшанба куни кўриб чиқилиши маълум қилинган.
Қатор Европа авиакомпаниялари 30 апрелга қадар Яқин Шарққа парвозларни тўхтатган. Компаниялар раҳбариятлари сиёсий таранглик юмшаши биланоқ қарор қайта кўриб чиқилишини маълум қилган.
Изоҳ (0)