Статистика агентлиги Ўзбекистоннинг 2024 йил январь–февраль ойларидаги газ экспорт ва импорти бўйича маълумот берди.
Қайд этилишича, икки ой давомида республика томонидан 26,7 миллион долларлик газ экспорт қилинди. Бу кўрсаткич ўтган йилнинг мос давридагидан анча юқори, яъни 2023 йилнинг дастабки икки ойида 7,4 миллион долларлик газ экспорти амалга оширилган.
Агентлик маълумотига кўра, Ўзбекистон январь–февраль ойларида 166,7 миллион долларлик газ импорт қилди. Ўтган йилнинг мос даврида эса бу кўрсаткич 1,7 миллион долларни ташкил этган.
Эслатиб ўтамиз, республикада газ қазиб олиш ҳажми сезиларли қисқармоқда. Хусусан, 2023 йилда мамлакатда сўнги етти йил ичидаги энг кам — 46,7 млрд метр куб газ қазиб олинди.
Изоҳ (0)