“Фарзандим етти ойдан буён оққон билан курашяпти” — Ҳиндистонда боласини даволатаётган сурхондарёлик аёл халқдан ёрдам сўради (фото)

“Меҳридарё” лойиҳасига Сурхондарё вилояти Жарқўрғон туманида яшовчи Сабоҳат Рўзиева мурожаат қилиб, айни пайтда Ҳиндистонда даволанаётган фарзанди учун халқдан ёрдам сўради.

— Ўғлим Муҳаммаджон Абдурасулов 2018 йилда туғилган. Етти ойдан буён оққон касаллиги билан курашиб келяпти. Бу касаллик аниқланганидан кейин Тошкентдаги Республика миллий тиббиёт марказида даволатдик. У ерда беш ой кимётерапия муолажаларини олдик, аммо саратон ҳужайралари янада ривожланиб кетди. Шундан кейин шифокорлар тавсияси билан ўғлимни Ҳиндистонга олиб келдик. “Кимётерапиянинг фойдаси йўқ, фақатгина илик кўчириш амалиётини ўтказиш керак”, дейишди. Даволаниш жараёнида сармоямиз тугаб бўлганди, яхши инсонларнинг ёрдами билан боламни Ҳиндистонга олиб келдик. Бир ярим яшар синглисидан илик олиб, ўғлимга ўтказишди. Илик янги организмда ишлаб кетиши учун кўп вақт ва муолажалар талаб этилар экан. Мана, бир неча ойдан буён Ҳиндистондамиз, ижара уйда яшаб, ҳар куни ўғлимни клиника кўригига олиб бораман. Мусофир юртда кўрмаган қийинчилигим қолмади. Мусофир бўла туриб даво исташ жуда қийин экан, нима қилай, бошқа чорам йўқ. Яхши инсонлар, бизга ёрдам беринглар, — дейди беморнинг онаси Сабоҳат Рўзиева. 
Муҳаммаджон Абдурасуловга хайрия қилишни истасангиз,

5614 6887 0281 4491 Кҳимматов Элёр (отаси)

Мурожаат учун: +99893 221-08-97