Жорий йилнинг 8 март кунидан бошлаб McDonald’s фастфуд таомлари ресторанининг Япониядаги филиалларида қовурилган картошка ҳидли атирлар сотила бошланди. Бу ҳақда ‘‘Корреспондент.net’’ хабар бермоқда.
![](/static/2024/03/12/mcdonalds-japan-french-fry-perfume-is-real-xUBeV_Wr.webp)
Кафенинг Х тармоғи (аввалги Twitter)даги расмий саҳифасида
“Биз картошка фри ҳидли атирлар ишлаб чиқардик. Байрам ёки учрашувга бориш учун мазкур атирни албатта сепиб олинг”, — дея пост қолдирилган.
Атирнинг уч хил ифори мавжуд: классик картошка фри, денгиз ўтлари ва тузли картошка ҳамда қалампир ва майонезли картошка. Уларнинг нархи қанча экани ҳақида маълумот берилмаган.
![](/static/2024/03/12/mcdonalds-french-fries-4H5mrK1C.webp)
Атирнинг ҳар бир идиши ўзига хос дизайн ва шаклга эга бўлиб, ҳақиқий картошка фри қадоғига ўхшаш қизил ва сариқ рангли дизайнда тузилган.