Халқаро Кураш Ассоциацияси (IKA) АIMS’га аъзолик жараёнларини бошлайди.
5 март, сешанба куни Таиланднинг Бангкок шаҳрида IKA президенти Ҳайдар Фармон ва АIMS президенти Стефан Фокс ўртасида учрашув бўлиб ўтди.
Учрашувда IKA президенти апрель ойида Буюк Британиянинг Бирмингем шаҳрида бўлиб ўтадиган навбатдаги Sport Accord конвенцияларида кўргазма иштирокчиси сифатида қатнашиши ҳамда IKA’нинг АIMS’га расмий аъзо бўлиши учун аризаси муҳокама қилинди. IKA’нинг АIMS’га расман ариза бериш учун керакли маълумотлар ва ҳисоботларни тўплаш жараёнлари бошланганлиги маълум қилинди.
Фокс IKA’нинг аризасини қўллаб-қувватлаш борасидаги жараёнларга ўз ёрдамини аямаслигини эълон қилди.
Маълумот учун, АIMS — Мустақил тан олинган спорт аъзолари иттифоқидир. У 2009 йилда ташкил этилган. АIMS’нинг мақсади ҳар бир алоҳида спорт турини мустаҳкамлаш, тажрибани бирлаштириш, билим алмашиш ва Халқаро Олимпия Қўмитаси (ХОҚ) билан яқин ҳамкорликни давом эттиришдан иборат бўлиб, индивидуал спорт тури ХОҚ томонидан расмий тан олинишига эришади. Айни пайтда АIMS 21 та халқаро спорт федерациясига тўлиқ аъзо сифатида киради.
Изоҳ (0)