Бухоро вилоятининг Бухоро тумани ҳамда Жиззах вилоятининг Зафаробод туманларига янги ҳокимлар тайинланди. Бу ҳақда икки вилоят ҳокимлиги матбуот хизмати хабар берди.
Маълум қилинишича, Халқ депутатлари Бухоро тумани кенгашининг навбатдан ташқари сессияси бўлиб ўтган. Сессияда ташкилий масала кўрилган.
Айни вақтга қадар Ромитан тумани ҳокимининг молия-иқтисодиёт ва камбағаллликни қисқартириш масалалари бўйича биринчи ўринбосари лавозимида ишлаб келган Очилов Анваржон Зубайдиллоевични Бухоро тумани ҳокими этиб тайинлаш тўғрисида вилоят ҳокимининг қарори қабул қилингани депутатларга маълум қилинган.
Шунингдек, халқ депутатлари Зафаробод тумани кенгашининг навбатдан ташқари сессияси бўлиб ўтган. Унда ташкилий масала кўрилган.
Сессияда вилоят ҳокими Эргаш Солиев Зафаробод тумани ҳокими лавозимига тавсия этилган номзод — Ғайратжон Эшпўлатовни таништирган. Ғайратжон Эшпўлатов шу вақтгача Пахтакор тумани ҳокимининг қишлоқ ва сув хўжалиги бўйича ўринбосари бўлиб ишлаб келаётган эди.
Изоҳ (0)