“Катта Дубулға” турнирида дзюдочиларимиз ҳозирча иккинчи ўринда бормоқда

Ўзбекистон пойтахти Тошкент нуфузли турнирга мезбонлик қилмоқда. 
“Ҳумо Арена” да ўтказилаётган дзюдо бўйича “Катта Дубулға” туркумига кирувчи мусобақада ҳамюртларимиз биринчи кунги баҳслардан сўнг терма жамоа ҳисобига 1та олтин ва 1та кумуш йиғиб умумжамоа ҳисобида иккинчи ўринда бормоқда. 

Мусобақанинг илк кунини 2 та олтин ва 1 та бронза билан якунлаган Франция терма жамоаси биринчи ўринни эгаллаб турибди. Икки олтин медал ҳам француз қизлари томонидан терма жамоага тақдим этилди.

Нурали Эмомали қўлга киритган олтин медал Тожикистон термасини жамоавий ҳисобда учинчи ўринни эгаллашини таъминлаган. 

Бугун, 2 март куни мусобақанинг иккинчи кунида ўрта вазн тоифаларида ғолиб ва совриндорлар аниқлаб олинади.

Дастурга кўра, кун давомида эркаклар -73 ва 81 кг, аёллар -63 ва -70 кг вазн тоифаларида ғолиблик учун татамига чиқади.