2 март куни Исроил ҳарбийларининг ҳаво ҳужумлари натижасида Ғазода камида 17 нафар тинч аҳоли вакиллари ҳалок бўлган. Бу ҳақда CNN нашри хабар берди.
Хабарга кўра, бу галги ҳужумда Исроил ҳаво кучлари асосан Ғазодаги Дайр ал-Балoҳ ва Жабалия объектларини нишонга олган. Ҳарбийлар ҳужум олдидан огоҳлантириш сигнали бермаган.
Қурбонларнинг 15 нафари Дайр ал-Балoҳдан ва 2 нафари Жабалиядан топилгани хабар берилган. Ҳаво ҳужумлари аҳоли уйларига қаратилгани оқибатида оддий халқ вакиллари ҳалок бўлган.
Сўнгги ҳужум оқибатида 50 дан ортиқ одам яралангани айтилган. 70 дан ортиқ ғазолик хавфсиз ҳудудга эвакуация қилинган.
Маълумот ўрнида, Ғазо Соғлиқни сақлаш вазирлиги 2 март куни Ғазо секторида ҳалок бўлганлар сони 30 320 нафарга етганини маълум қилганди. 71,533 нафар ғазолик жиддий жароҳатлар билан касалхонага ётқизилган.
Изоҳ (0)