Ижтмоий тармоқларда “Фаринго форте” савдо номидаги спрей ишлаб чиқариш жараёни билан боғлиқ видеолар тарқалган эди. Санитария-эпидемиология қўмитаси матбуот хизматининг маълум қилишича, қўмита мутахассислари ишлаб чиқарувчи тадбиркор билан боғланиб, мавжуд ҳужжатларини ўрганиб чиққан.
Ўрганиш натижаларига кўра, “Фаринго форте” гигиеник восита бўлиб, Менгарис Pharmacеутиcал МЧЖ корхонаси томонидан ишлаб чиқарилади. Тадбиркор ушбу маҳсулотни ишлаб чиқариш учун 2020 йилда қўмитадан рухсатнома, ҳудудий бўлимидан санитария-эпидемиологик хулоса ва мувофиқлик органидан мувофиқлик сертикатларини олиб ишлаб чиқаришни бошлаган.
Менгарис Pharmacеутиcал МЧЖ ишлаб чиқараётган маҳсулотлари учун олган рухсатнома, санитария-гигиеник хулоса ва мувофиқлик сертификатларида корхона манзили: Тошкент вилояти Зангиота тумани Хонобод ҚФЙ Нурли Ҳаёт кўчаси 85-уй кўрсатилган. Бироқ ҳозирги кунда Тошкент шаҳар Янгиобод тумани Оҳанграбо-1 манзилида фаолият юритмоқда ва маҳсулотларни ушбу манзилда ишлаб чиқармоқда.
“Тадбиркорга амалдаги қонунчиликка кўра, корхона биноси янги манзилга кўчирилганда янги ишлаб чиқариш манзилига қайта рухсатнома олиши лозим эканлиги тушунтирилди. МЧЖ раҳбари ўз ташаббуси билан янги ишлаб чиқариш манзилига рухсат этишга оид ҳужжатларни қайта расмийлаштиргунга қадар фаолиятини вақтинчалик тўхтатди”, — дейилади хабарда.
Ижтимоий тармоқда муҳокама бўлган видео бўйича қўмита мутахассислари томонидан жойига чиқиб ўрганилганда, тадбиркор ҳақиқатан ҳам ушбу видео Менгарис Pharmacеутиcал МЧЖ корхонасига тегишли бўлиб, бундан 2 йил олдин олинган видео эканлиги ва ушбу ҳолат ҳозирда бартараф этилганини маълум қилган.
Аввалроқ, Фармацевтика маҳсулотлари хавфсизлиги маркази аҳолини яна бир дори воситаси бўйича огоҳлантиргани ҳақида хабар берилган эди.
Изоҳ (0)