Ўзбекистоннинг етакчи телекоммуникация оператори UZTELECOM Интернет синовлари соҳасида тан олинган жаҳон етакчиси – Ookla® компаниясининг иккита олий мукофоти билан тақдирланди. Барселонадаги Mobile World Congress 2024 да UZTELECOM делегацияси 2023 йилнинг 3-4-чораги бўйича Ookla® компаниясининг “Энг тезкор мобил тармоқ” ва “Энг яхши мобил гейминг тажрибаси” номинацияси билан муносиб тарзда тақдирланди.
Мустақил тадқиқотлар маълумотлар узатишнинг юқори тезлигини ва барча UZTELECOM фойдаланувчилари учун барқарор уланишни тасдиқламоқда.
Энг яхши мобил ўйин тажрибаси – бу мукофот UZTELECOMнинг юқори сифатли ўйин тажрибасини тақдим этишдаги прогрессив ёндашувини тасдиқлайди. Тезкор ва барқарор тармоқ орқали ўйинчилар узлуксиз геймплей, минимал кечикиш ва юқори сифатли графикадан баҳраманд бўлишлари мумкин, бу уларнинг ўйин жараёнидан қониқишларини сезиларли даражада оширади.
Ушбу мукофотлар 2023 йилда “Янгиланишлар мавсуми” улкан лойиҳаси доирасида 6000 дан ортиқ таянч станцияларини ўрнатиш ва модернизация қилиш орқали абонентлар учун қулайликларни оширган ва уларни юқори тезликдаги LTE/5G тармоқлари билан таъминлаган UZTELECOM жамоасининг машаққатли меҳнатининг натижасидир. Ушбу лойиҳа доирасида янги таянч станцияларининг ўрнатилиши UZTELECOMга Тошкент ва Самарқанд шаҳарларида юқори тезликдаги 5G мобил алоқа қамровини таъминлаш имконини берди.
Бу бошланилиши: UZTELECOM мамлакатимизнинг барча вилоят марказларида 5G тармоғи қамровини кенгайтириш бўйича фаол иш олиб бормоқда, бу эса бизни юқори тезликдаги бешинчи авлод алоқаси ҳамма учун, ҳар ерда мавжуд бўладиган келажакка яқинлаштиради.
Эслатиб ўтамиз: UZTELECOM юклаб олиш ва юклаш тезлигига асосланган Speed Сcоре™га кўра энг юқори – 36,96 баллни намойиш этиб, 2023 йилнинг 1 ва 2-чораклари бўйича “Энг тезкор мобил тармоқ” номинацияси бўйича Speedtest Awards 2023 мукофотига сазовор бўлган.
Маълумот учун: Барселонада 26 – 29 февраль кунлари юқори технологиялар саноатидаги энг кутилган ва энг йирик тадбирлардан бири – Mobile World Congress 2024 бўлиб ўтмоқда.
Реклама ҳуқуқи асосида.
Изоҳ (0)