Ўзбекистон 2024 йилнинг январь ойида хориждан қиймати 4,8 миллион долларга тенг бўлган чой импорт қилди. Бу ҳақда Статистика агентлиги хабар берди.
Импорт қилинган чойнинг асосий қисми Хитой ҳисобига тўғри келади — 2 812 тонна. Ундан кейинги ўринни 134 тонна билан Эрон эгаллаган.
Шунингдек, мамлакат Ҳиндистон (116 тонна), Кения (108 тонна) дан ҳам чой импорт қилган, бошқа давлатлар ҳисобига эса 253 тонна чой импорти тўғри келмоқда.
2024 йилнинг январь ойида Ўзбекистоннинг ташқи савдо айланмаси 4,2 миллиард долларга етган. Мамлакат ташқи савдо айланмасида юқори улушга эга бўлган ҳамкор давлатлар қаторида 27,2 фоиз билан Хитой биринчиликни эгаллаган. Ўтган ойда экспорт 1,1 миллиард долларга (-47,1 фоиз) етган бўлса, импорт 3,1 миллиард долларни (+4,1 фоиз) ташкил этган. Салбий салдо — 1,9 миллиард доллар.
Изоҳ (0)