Президент Владимир Путин Россия стратегик барқарорлик масаласида ҳам, Украина бўйича ҳам тинч мулоқотдан ҳеч қачон воз кечмаганини таъкидлади.
“Қўшма Штатлар ва Ғарб, бир томондан, Россияни стратегик мағлубиятга чақирмоқда, иккинчи томондан, улар гўё биз билан стратегик барқарорлик ҳақида гаплашмоқчи. Чунки улар бир масала бошқаси билан боғлиқ эмас деб ҳисоблашади. Бундай бўлиши мумкин эмас. Агар улар бизни стратегик мағлубиятга учратишмоқчи бўлса, унда стратегик барқарорлик мамлакатимиз учун нимани англатиши ҳақида ўйлашимиз керак”, — деди президент.
Шу билан бирга, Владимир Путин Мудофаа вазирлиги ва Ташқи ишлар вазирлиги орқали Қўшма Штатлар билан стратегик барқарорлик бўйича алоқалар “албатта мумкин” эканлигини таъкидлади.
“Биз ҳеч нарсани рад этмаймиз, ҳеч нарсадан воз кечмаймиз, лекин улар нимани хоҳлашларини аниқлашимиз керак. Улар одатда бир томонлама афзалликларга эришмоқчи. Бундай бўлмайди”, — дея хулоса қилди давлат раҳбари.
2023 йил июнь ойида АҚШ Россия билан ядровий хавфларни камайтириш ва 2026 йилдан кейинги давр учун, яъни Стратегик ҳужум қуроллари бўйича шартнома муддати тугаганидан кейин келишувлар ишлаб чиқиш бўйича мулоқотни тиклаш ниятида эканлигини эълон қилганди.
Сентябрь ойида АҚШ Россия раҳбариятини мулоқотни қайта бошлашга тайёрлиги ҳақида расман хабардор қилган эди. Россия томони Америка ташаббусини ҳозирги геосиёсий шароитда номақбул деб ҳисоблаб, рад этганди.
Изоҳ (0)