“Барселона” Хавининг ўрнига Хаби Алонсони олиб келишни мақсад қилган

“Барселона” “Реал”нинг собиқ футболчиси, ҳозирда “Байер” бош мураббийи бўлиб ишлаётган Хаби Алонсони жамоага олиб келмоқчи.

Мавсум якунлангач, Хави каталонияликлар бош мураббийлигини тарк этади.

Diario Sport нашрининг хабар беришича, немис жамоаси бош мураббийи Хавининг ўрнини эгаллашга асосий номзодлардан бири бўлиб турибди. “Барселона” директорлар кенгашининг бир неча аъзосига 42 ёшли мутахассиснинг иш услуби ёқмоқда.

Шунингдек, Хабининг келиши асосий рақобатчи “Реал”га катта зарба бўлиши ҳам кўзда тутилган. Чунки Алонсо 5 мавсум давомида Мадрид клуби шарафини ҳимоя қилган.

Испаниялик мураббийга “Ливерпуль” ҳам жиддий қизиқиш билдирмоқда. “Барселона” ҳаммадан аввал Алонсога таклиф юборишни мақсад қилган.

Хаби Алонсо бошчилигидаги “Байер” асосий рақобатчи “Бавария”ни 5 очкога ортда қолдирган ҳолда Бундеслигада 1-ўринда бормоқда.