Венгрия ташқи ишлар вазири Петер Сияртонинг айтишича, Европа учун энг муҳим вазифа Россия ва НАТО ўртасидаги жанжалларнинг олдини олишдир, чунки можаро учинчи жаҳон урушининг бошланишини англатади. Бу ҳақда у БМТ Бош ассамблеяси сессиясида иштирок этишдан олдин М1 телеканалига берган интервьюсида айтиб ўтди.
“Бу ерда турли мамлакатлар ҳарбийларини можарога тортиш ҳаракати олиб борилаётгани кўриниб турибди. Энди биз, европаликлар учун энг муҳим вазифа Россия ва НАТО ўртасида юзага келиши мумкин бўлган можаронинг олдини олишдир, бу, шубҳасиз, учинчи жаҳон урушининг бошланишини англатади”, — деди Сиярто.
Сиярто учинчи жаҳон уруши хавфи ҳеч қачон ҳозиргидек реал бўлмаганини таъкидлади.
Бунгача Россия Хавфсизлик кенгаши раҳбари ўринбосари Дмитрий Медведев Ғарб сиёсатчилари ўз фуқароларига Россия билан урушга тайёр эканликлари ҳақида ёлғон гапиришни бас қилишлари кераклигини, чунки бундай можаронинг бошланиши дунёнинг охири бўлишини таъкидлаганди.
Медведевнинг сўзларига кўра, ҳозирда Ғарб сиёсатчилари Россия Федерацияси билан юзага келиши мумкин бўлган можаро ҳақида тобора кўпроқ гапирмоқда, Украинани қўллаб-қувватлаш учун сайловчиларнинг кўз ўнгида катта харажатларни оқлашга уринмоқда.
Изоҳ (0)