Ўзбекистоннинг Истанбул шаҳридаги Бош консулхонаси томонидан Туркияга саёҳатга бормоқчи бўлганлар огоҳлантирилди.
Унга кўра, сайёҳ борган мамлакати муҳитининг суратларда яхшироқ акс этиши учун кўп нарсаларни объектив орқали муҳрлашга ҳаракат қилиб, баъзида жарима ёки жазога тортилиши ҳам мумкин. Ҳар бир мамлакатнинг суратга олиш-олмаслик борасида ўз тартиб-қоидалари бор. Масалан, Туркияда маҳаллий аҳолини сўрамасдан суратга олиш ва уни тарқатиш қатъиян ман қилинади. Айниқса, маҳаллий аёлларни суратга олиш мумкин эмас. Бу шахсий ҳаётга тажовуз деб ҳисобланади. Ушбу қонунни бузганлик учун озодликдан маҳрум қилиниш мумкин.
“Афсуски, фуқароларимиз орасида ҳам мазкур қонунни бузиб, Истанбулнинг Maltepe туманидаги жазони ижро этиш муассасасида сақланаётганлар ҳам йўқ эмас.
Ҳозирда Бош консулхона фуқароларимизни озод этиб, уларни ватанга қайтариш учун керакли ишларни олиб бормоқда.
Ҳурматли Ватандошлар, муайян бир давлатга ташриф буюришдан аввал у ердаги қонун-қоидалар билан қизиқиш мақсадга мувофиқ бўлар эди”, — дейилади мурожаатда.
Изоҳ (0)