Фарғона вилоятида бир ҳафта давомида экологияга зарар етказган 99 киши жаримага тортилди. Бу ҳақда вилоят Экология бошқармаси ахборот хизмати хабар берди.
Унга кўра, Фарғона вилояти Экология бошқармасининг давлат инспекторлари томонидан 2024 йил 15—20 январь кунлари давомида, шаҳар ва туманлардаги Фарғона вилоят прокуратураси билан ҳамкорликда ўтказилган экологик назорат рейд тадбирлари давомида 99 та маъмурий жарималар аниқланди. Булар:
- хазон ва ўсимлик қолдиқларини ёқиб атмосфера ҳавосига зарар етказиш бўйича — 2 та ҳолат, жами жарима 2 040 000 сўм;
- бинокорлик ва қурилиш материалларини ёқиш ҳамда очиқ аланга олдириб битум ёқиш ҳуқуқбузарлик ҳолати бўйича — 32 та ҳолат, жами жарима 7 877 000 сўм;
- белгиланмаган жойга чиқинди ташлаб, атроф-муҳитга зарар етказиш бўйича — 41 та ҳолат, жами жарима 17 170 000 сўм;
- ноқонуний дарахт кесиш бўйича — 7 та ҳолат, 13 600 000 сўм;
- сувни ифлослантириш бўйича — 6 та ҳолат, жами жарима 6 120 000 минг сўм,
- ноқонуний тупроқ қазиш бўйича — 6 та ҳолат, жами жарима 20 400 000 сўм;
- сой ўзанларидан шағал қазиш бўйича — 2 та ҳолат, жами жарима 10 200 000 сўм;
- ноқонуний ов қилиш бўйича — 1 та ҳолат, 3 400 000 сўм миқдорида жарималар қўлланди.
Аниқланган 99 та ҳолатлар юзасидан фуқароларнинг барчасига Маъмурий жавобгарлик тўғрисидаги кодекснинг тегишли моддаларига асосан маъмурий баённома расмийлаштирилиб, 80 миллион 807 минг сўм жарима белгиланди. Белгиланган жарималардан 13 миллион 220 сўм миқдори ҳуқуқбузарлардан ундирилди.
Ўтказилган профилактик тадбирлар натижасида 100 нафардан ортиқ фуқаролар томонидан содир этилиши мумкин бўлган ҳуқуқбузарликлар вақтида тўхтатилиб, уларнинг олди олинди.
Изоҳ (0)