Саудия Арабистони февраль ойида барча харидорларга нефть етказиб бериш нархини пасайтиришини эълон қилди. Бу жаҳонда нефть нархининг сезиларли даражада пасайишига олиб келди.
Шундай қилиб, Лондоннинг ICE Futures биржасида март ойида етказиб бериладиган Brent нефти нархи 2,85 долларга тушиб (-3,62 фоизга) бир баррел учун 75,91 долларни ташкил қилди. Нью-Йорк товар биржасида февраль ойида етказиб бериладиган WTI нефтининг фьючерслари 3,12 долларга (-4,23 фоиз) пасайиб, бир баррел учун 70,69 долларни ташкил этди.
Савдогарлар Саудия Арабистонида нархларнинг пасайиши ҳақидаги хабарларни баҳолашда давом этмоқда.
“Бу февраль ойида содир бўлади ва барча минтақалар учун нефтнинг барча турларига таъсир қилади”, — дейди Saudi Aramco давлат компанияси.
Шундай қилиб, Осиёдан харидорлар учун нархлар бир баррел учун 2 долларга пасайтирилади. Натижада Осиёга етказиб бериладиган нефтнинг асосий нави — Аrab Light нархи Уммон ва Дубай нефтидан 1,5 долларга қимматроқ бўлади.
Февраль ойида АҚШда ҳам бир баррел нефть нархи 2 долларга, Шимоли-Ғарбий Европа ва Ўрта Ер денгизи мамлакатлари учун бир баррел учун 1,5-2 долларга пасаяди.
Изоҳ (0)