2023 йилда кўплаб машҳурлар оиласида янгиликлар рўй берди. Улардан баъзилари Эшли Олсен ва Луи Эйснер каби илк бора фарзандли бўлган бўлса, бошқалари Гордон Рамзи ва унинг рафиқаси Тана Рамзи каби олтинчи марта ота-оналик бахтига муяссар бўлди.
Перис Ҳилтон ва Картер Реум
Перис Ҳилтон ва Картер Реум 2023 йилда икки марта ота-она бўлди. Январь ойида хонанда Феникс исмли ўғил кўрди. 24 ноябрь куни Перис ўзининг ижтимоий тармоқдаги саҳифасида чақалоқнинг оёқ кийимини жойлаштирди ва уларнинг оиласига яна бир аъзо қўшилганини ёзди. Болалар суррогатлик орқали дунёга келган.
Гордон Рамзи ва Тана Рамзи
Пазандачилик шоуси бошловчиси 57 ёшли Гордон Рамзи ва унинг рафиқаси Тана Рамзи 2023 йил ноябрида олтинчи марта ота-она бўлди. Гордон ижтимоий тармоқдаги саҳифасида ушбу қувончли воқеа билан ўртоқлашди. Туғуруқхонадан бир нечта фотосуратларни жойлаштирди ва уларга шундай деб изоҳ ёзди: “Туғилган куним учун қандай ажойиб совға! Жесси Жеймс Рамзига салом! 3 ўғил ва 3 қиз – режа бажарилди”.
Эшли Олсен ва Луи Эйснер
Эшли Олсен 2023 йилда биринчи марта она бўлди. 2017 йилда у рассом Луи Эйснер билан танишади, 6 йилдан кейин турмуш қуради. 2023 йил август ойида эр-хотин Отто исмли ўғил кўради. Эшли ва Луи шахсий ҳаётларини сир сақлашни афзал кўради, шунинг учун чақалоқнинг туғилган санаси ҳали ҳам номаълум.
Наоми Кэмпбелл
Наоми Кэмпбелл 2018 йилда берган интервьюсида фарзанд кўриш истаги ҳақида гапирганди. Шундан сўнг 3 йил ўтгач, қизи туғилади, модель қизини оммадан яширишни афзал кўради. 2023 йил июнь ойида Наоми ўғилли бўлди. Бу ҳақда 53 ёшли модель ижтимоий тармоқдаги саҳифасида маълум қилди.
Дэниел Редклифф ва Эрин Дарк
2023 йилда Дэниел Редклифф ва Эрин Дарк биринчи марта ота ва она бўлди. Актёр ўзининг умр йўлдоши билан 2012 йилда суратга олиш майдончасида танишган. Жуфтлик шахсий ҳаётини бегона кўзлардан узоқроқ тутишни афзал кўради.
Райан Рейнольдс ва Блейк Лайвли
Голливуднинг энг чиройли жуфтликларидан бири Райан Рейнольдс ва Блейк Лайвли 2012 йилда турмуш қурган. Бир неча йил ўтгач, уларнинг қизи Жеймс, 2016 йилда Инес ва 2019 йилда Бетти дунёга келди. 2022 йил сентябрь ойида жуфтлик яна бир фарзанд кутаётганлигини эълон қилди. Келаси йили Райан ва Блейк тўртинчи марта ота-она бўлади. Боланинг исми, жинси ва туғиладиган санаси ошкор этилмаган.
Бонни Райт ва Эндрю Лококо
“Гарри Поттер” фильмида Жинни Уизли ролини ижро этган Бонни Райт ҳам 2023 йилда биринчи марта она бўлди. 2022 йил март ойида актриса узоқ йиллик таниши Эндрю Лококога турмушга чиққани ҳақидаги хабар билан ўртоқлашганди. 2023 йил сентябрь ойида улар Элио исмли ўғил кўрди. Актриса ижтимоий тармоқдаги саҳифасида чақалоқнинг суратини жойлаштириб, фарзандининг дунёга келиши унинг учун энг қизиқарли ҳаётий тажрибалардан бири эканлигини ёзди.
Рианна ва Асап Рокки
Рианна ва Асап Роккининг муносабатлари ҳақидаги расмий тасдиқ улар томонидан 2021 йилнинг май ойида қилинган. Орадан бир ярим йил ўтиб эр-хотин ўғилли бўлди, кейинроқ хонандага яқин манба Рианна ўз севгилисидан кўпроқ фарзанд кўришни хоҳлашини айтди. Унинг орзуси 2023 йилнинг 1 августида амалга ошди, эр-хотин яна бир ўғил кўрди.
Линдси Лоҳан ва Бадер Шаммас
2023 йилда Линдси Лоҳан ҳам илк марта она бўлди. У молиячи Бадер Шаммасдан Луай исмли ўғил дунёга келтирди ва 2022 йилда унга турмушга чиқди. Актриса ижтимоий тармоқларга чақалоқнинг суратларини ҳам жойлаштирмаган, у шахсий ҳаётини сир сақлашни маъқул кўради.
Изоҳ (0)