Украина Мудофаа вазирлиги 2024 йилдан бошлаб Францияда Украина армиясига ўқ-дорилар ва артиллерия етказиб беришни таъминлайдиган “артиллерия коалицияси” ишлай бошлашини маълум қилди.
Вазирликка кўра, ҳозирча коалицияга фақат Франция қўшилган, бироқ келажакда Украинанинг бошқа иттифоқдош давлатлари ҳам унга қўшилиши мумкин. Коалиция доирасида Украина Мудофаа вазирлиги қўшимча Cаэсар ўзиюрар артиллерия қурилмалари ва улар учун ўқ-дорилар олишни, шунингдек, уларни бошқаришга сунъий интеллектни жорий қилишни режалаштирмоқда.
Коалиция тузиш тўғрисидаги келишувга Украина мудофаа вазири ўринбосари Иван Гаврилюк ва Франция Сенати делегацияси ўртасидаги музокаралар чоғида эришилган.
Украинани қўллаб-қувватловчи бошқа халқаро коалициялар орасида май ойида Киевга Ф-16 самолётларини сотиб олиш ва етказиб бериш учун тузилган “қирувчи самолётлар коалиция”си ҳам бор. Шунингдек, жорий йилнинг декабрь ойида Буюк Британия Украинага денгизда ҳаракатланиш қобилиятини мустаҳкамлашга ёрдам берадиган “денгиз бўйича коалиция” тузиш устида иш бошланганини эълон қилганди.
Коалиция Қора денгизда хавфсизликни мустаҳкамлаш учун Киевни кемалар, транспорт воситалари ва жиҳозлар билан таъминлашга масъул бўлади. Германия, ўз навбатида, Киевга “танк коалициясида” ёрдам бермоқчи: унинг вазифаларига Украина Қуролли кучларини Ғарб танклари билан таъминлаш ва уларни таъмирлаш киради.
Изоҳ (0)