Олий Мажлис Сенатининг 48-ялпи мажлисида Олий суд таркибига ўзгартиришлар киритиш масаласи ҳам кўриб чиқилди ва Сенатнинг тегишли қарори қабул қилинди.
Унга кўра, Элза Шамсутдинова 10 йиллик муддатга, Анвар Элмуродов муддатсиз даврга, Баҳодир Эргашев 10 йиллик муддатга Ўзбекистон Олий судининг судьяси лавозимига сайланди.
Шу билан бирга, Бобир Исломов, Отабек Мамажанов, Шерзод Мирзаҳакимов, Дониёржон Тожибоев, Фируз Турсунов, Фахриддин Халилов, Шерзод Шерқулов ва Хуршид Эшмуратов Олий суднинг судьяси лавозимидан озод этилди.
“Ялпи мажлис давомида ўн тўрт масала кўриб чиқилди. Шундан ўнтаси қонун, қолгани бошқа масалаларни ташкил этди. Мажлис якунида Сенат кенгашининг қарорлари тасдиқланди”, — дейилади хабарда.
Сентябрда Ўзбекистон президентининг тегишли фармойишига мувофиқ, бешта вилоят судларининг раислари ўзгарганди. Бундан олдин Ўзбекистонда 6 нафар судья лавозимида ўзгариш рўй бергани, Қашқадарёда фуқаро ногиронлик нафақасини ололмай қолганига сабаб бўлган судьяга чора кўрилгани, Судьялар олий кенгашида бир қатор янги тайинловлар амалга оширилгани тўғрисида хабар берилганди.
Изоҳ (0)