Европанинг энг бахтли давлати маълум бўлди

Австрия 2023 йилда Европадаги энг бахтли давлат деб топилди. Бу ҳақда Евростат маълумотларига таяниб, Independent хабар берди.

Австрия барча Европа Иттифоқига аъзо давлатларда ўтказилган сўровлар асосида ҳаёт сифати кўрсаткичлари бўйича 10 баллдан 7,9 балл тўплади. Австрия блокнинг 27 аъзоси ичида энг бахтли давлат сифатида тан олинди. Иккинчи ўринни Польша, Финляндия ва Руминия эгаллаб, 10 баллдан 7,7 балл тўплади, Болгария эса энг паст балл – умумий ҳаётдан қониқиш индекси бўйича олти баллдан (5,6) кам тўплаган ягона давлат бўлди.

Евростатнинг таъкидлашича, мазкур маълумот  “Европа фуқароларининг субъектив фаровонлиги тенденцияларини қамраб олишга” қаратилган.

 “Европа Иттифоқи фуқаролари ўртача 10 баллдан 7,1 балл тўплангани сабабли ўз ҳаётларидан умумий қониқиш ҳосил қилади”.

Ҳисобот шуни кўрсатдики, таълим даражаси, оила ва молиявий барқарорлик каби омиллар сўров иштирокчиларининг нафақат моддий фаровонлик, балки ўз ҳаётларидан умумий қониқишларига таъсир қилган.
 

“Қизиғи шундаки, яқин ўтмишда даромад даражаси паст бўлган баъзи мамлакатлар, масалан, Руминия ва Польша ҳаётдан қониқиш даражаси энг юқори бўлган мамлакатлар қаторига киради, бу эса субъектив ва иқтисодий фаровонлик ўртасидаги муносабатларнинг мураккаблигини кўрсатади”, — деди Евростат.

 
Европа Иттифоқининг энг йирик иқтисодларидан Италия, Испания ва Франциянинг балли ўртача 7,1 атрофида.
 Германия 6,5 ​​балл билан биргина Болгарияни ортда қолдириб, сўровда энг бахтсиз давлатлардан бири бўлди.