Россия президенти матбуот котиби Дмитрий Песковнинг фикрича, Украинага ёрдам бериш Қўшма Штатларнинг “асосий ташвиши” эмас. Унинг айтишича, америкаликлар биринчи навбатда ўзлари ҳақида қайғурадилар.
“Америкаликлар жуда прагматик одамлар ва, табиийки, уларнинг асосий мақсади ўз фаровонлигидир. Украиналиклар, аслида, АҚШ учун асосий ташвиш эмасликларини тушунишлари керак. Америка Қўшма Штатлари учун асосий ташвиш ҳар доим америкаликларнинг ўзи бўлиб келган, ҳаттоки ўша кўп сонли украиналикларнинг ҳаёти эвазига бўлса ҳам”, — деди Песков.
Украина ва Исроилга ёрдам учун маблағ ажратиш АҚШнинг 17 ноябрда тасдиқланган вақтинчалик бюджетидан алоҳида кўриб чиқилмоқда. Оқ уй ушбу мақсадлар учун 106 миллиард доллар ажратишни таклиф қилди, шундан 61 миллиард доллардан ортиғи Киевга берилади.
Аммо Республикачилар партияси вакиллари Украина ва Исроилга ёрдам бериш қарорига қўшилмади, оқибатда бу масала ҳозирча очиқ қолмоқда.
Изоҳ (0)