Исроил армияси: ҲАМАСнинг 500 та туннели йўқ қилинди

Исроил армияси подполковниги Рихард Хехт Исроил ҳарбийлари ҲАМАСнинг 500 та туннелини вайрон қилганини айтди. Бу ҳақда BBC хабар берди.

“Ҳарбий ҳаракатлар қайта бошланиши билан биз бутун Ғазо бўйлаб ҲАМАСга қарши операцияларимизни кенгайтирмоқдамиз. Бизнинг мақсадимиз — уларнинг инфратузилмаси, асосан, туннеллар тармоғи. Ҳозиргача биз 800 дан ортиқ туннел шахталарини топдик ва улардан 500 тасини йўқ қилдик”, — деди Рихард Хехт

У Исроил гуруҳининг мустаҳкамланиш даражаси мисли кўрилмаган эканини айтди.

“Биз операцияни амалга оширар эканмиз, тинч аҳолига минимал зарар етказилишини таъминлашга интиламиз, ердаги аскарларимиз бинодан бинога ўтади”, — дея даъво қилди Исроил армияси вакили.