Германиянинг Bild газетаси ҳарбий таҳлилчиси Юлиан Рёпке Россия армияси Маринкани тўлиқ қўлга киритганини айтди.
“20 ойлик шиддатли ҳужумлардан сўнг Россия армияси Донецк вилоятидаги Маринка шаҳрини тўлиқ эгаллаб олди. Охирги украиналик ҳимоячилар бир вақтлар тинч осойишта бўлган 10 700 нафар аҳолига эга бўлган, ҳозир эса харобага айланган шаҳардан чиқарилди”, — деди Юлиан Рёпке.
Аввалроқ оммавий ахборот воситаларида Россия ҳарбийлари Маринканинг ғарбий чеккасига силжигани ҳақида хабар берилганди. Бундан ташқари, баъзи Telegram каналлари Маринка тўлиқ қўлга олинганини, бошқалари эса шаҳарнинг чеккасида ҳали ҳам жанглар давом этаётганини даъво қилган.
Украина бу маълумотга изоҳ бермади ёки тасдиқламади. Россия Мудофаа вазирлиги Маринка бўйича ҳозирча ҳеч қандай баёнот бермади.
Рус қўшинлари 2022 йилдан бошлаб Маринка шаҳрига ҳужумга ўтди, шаҳарнинг катта қисмини эгаллаб олди ва Украина қуролли кучлари қўлида қолган ғарбий қисми учун жанг қилди.
Изоҳ (0)