НАТО бош котиби Йенс Столтенбергнинг айтишича, Россия қиш олдидан катта миқдордаги ракета захирасини тўплади. Унинг таъкидлашича, Шимолий Атлантика альянси Россияни паст баҳоламаслиги керак, чунки унинг иқтисодиёти урушга йўналтирилмоқда.
“Россиянинг Украинадаги мақсадлари ўзгармади. Россия қиш олдидан катта миқдордаги ракета захирасини тўплади. Ва биз Украинани зулмат ва совуқда қолдириш мақсадида унинг энергетика тизими ва инфратузилмасига ҳужум қилишнинг янги уринишларини кўряпмиз”, — деди Столтенберг Украина-НАТО кенгашининг ташқи ишлар вазирлари даражасидаги йиғилиши якунлари бўйича матбуот анжуманида. Унинг нутқи НАТО сайтида чоп этилди.
Йенс Столтенберг 27 ноябрь куни НАТО ташқи ишлар вазирларининг Брюсселдаги учрашуви арафасида ҳам Россиянинг кучини тўғри баҳолаш кераклигини айтганди. Унинг қайд этишича, Украинага НАТО томонидан ҳарбий ёрдам кўрсатилаётганига қарамай, фронтда ҳеч қандай ижобий ўзгариш йўқ.
Изоҳ (0)