АҚШ телевизион санъат ва фанлар академияси томонидан таъсис этилган, АҚШдан ташқарида суратга олинган картиналарга бериладиган халқаро Эмми мукофотининг навбатдаги ғолиблари аниқланди. Кўпчиликнинг севимли сериалига айланган — “Ҳукм” халқаро Эмми мукофоти билан тақдирланди. У мазкур мукофотга Туркиядан ягона номзод сериал бўлди.
Маросим Нью-Йорк шаҳридаги “Hilton Midtown” меҳмонхонасида бўлиб ўтди. Унда 20 та давлатдан 14 тоифадаги 56 та картина қатнашди. Тадбирда Moon production томонидан суратга олинган “Ҳукм” сериали “Энг яхши теленовелла” номинацияси билан тақдирланди.
.png)
Маросимда сериал продюсери Керем Чатай, режиссёр Али Билгин, сценарий муаллифи Сема Эргенекон ҳамда бош роль ижрочилари Пинар Дениз ва Каан Урганжиўғли иштирок этди.
Турк сериаллари бунга қадар ҳам халқаро майдонда бир неча бора эътироф этилган. 2017 йилда “Севги изтироби” сериали “Энг яхши теленовелла” номинациясида “Эмми” мукофотига сазовор бўлган бўлса, 2019 йил “Шахсият” сериалидаги роли учун Ҳалук Билгинер “Энг яхши инглиззабон бўлмаган актёр” номинациясини қўлга киритган эди. Шу тариқа, турк сериалларининг халқаро саҳнадаги муваффақияти яна биттага кўпайди.
Изоҳ (0)